Вечаркі па-місявіцку

19 лістапада ў Місявіцкім цэнтры культуры і дасуга адбылося фальклорнае свята “Місявіцкія вячоркі”. Са сцэны гучалі мясцовыя песні, загадкі, прымаўкі, прыпеўкі і неверагодныя вясковыя гісторыі. Артысты на некаторы час адправілі гледачоў у цікавае падарожжа ў мінулае са сваімі танцамі і гульнямі. Яны паказалі, што мы маем багатую спадчыну, якую неабходна вывучаць і перадаваць будучым пакаленням. Дзеці напомнілі, адкуль нашы карані, вытокі, а таксама прымусілі задумацца, што з’яўляецца сапраўднай каштоўнасцю нашага жыцця: жыць ў згодзе і радасці, вучыцца ў нашых продкаў мудрасці, помніць іх запаветы.

Сустрэча атрымалася па-сапраўднаму цёплай і дружнай.