Аграрыі збяруць ураджай узнагарод. Больш 200 лепшых працаўнікоў палёў і ферм выйдуць на святочную сцэну «Дажынкі-2017» у Свіслачы

Принёманский регион 11 ноября 17 1160
Аграрыі збяруць ураджай узнагарод. Больш 200 лепшых працаўнікоў палёў і ферм выйдуць на святочную сцэну «Дажынкі-2017» у Свіслачы
9345fee587a1c9ceebbe9ee483149908

Ім будуць уручаны ганаровыя граматы Савета Міністраў Рэспублікі Беларусь, Міністэрства сельскай гаспадаркі і харчавання, абласнога выканаўчага камітэта і абласнога Савета дэпутатаў, рэспубліканскага і абласнога камітэтаў прафсаюза работнікаў аграпрамысловага комплексу. Граматамі і грашовымі прэміямі будуць адзначаны пераможцы абласных спаборніцтваў на ўборцы зерневых і зернебабовых культур, лёну, на нарыхтоўцы кармоў. Узнагароды атрымаюць таксама пераможцы абласнога спаборніцтва за дасягненні высокіх паказчыкаў у галіне жывёлагадоўлі. Будуць узнагароджаны пераможцы рэспубліканскага агляду-конкурсу «Землекарыстанне высокай культуры земляробства, добраўпарадкаванне машынных двароў, жывёлагадоўчых фермаў і комплексаў» сярод сельскагаспадарчых прадпрыемстваў, фермерскіх гаспадарак і лесагаспадарчых прадпрыемстваў. 

Як паведамілі ў камітэце па сельскай гаспадарцы і харчаванню аблвыканкама, пры падвядзенні вынікаў спаборніцтва сярод раёнаў і гаспадарак улічваўся шэраг фактараў, у тым ліку тэмп росту валавага збору зерня, вытворчасць зерня на адзін бала-гектар уборачнай плошчы і на гектар сельгасугоддзяў, эканамічная эффектыўнасць сельскагаспадарчай вытворчасці. 

Працаўнікі Гродзенскага раёна традыцыйна сталі лепшымі па вытворчасці зерня ў вобласці, намалацілі звыш 218 тысяч тон зерня пры сярэдняй ураджайнасці 75,1 цэнтнера з гектара. Сярод сельгасарганізацый найвышэйшая ўраджайнасць атрымана ў ВК імя В.І.Крамко гэтага раёна – звыш 110 цэнтнераў з гектара. Дэлегацыя Гродзенскага раёна ў складзе звыш 30 чалавек будзе самай шматлікай на «Дажынках-2017». Яе ўзначаляць старшыня райвыканкама Ян Васілеўскі і начальнік упраўлення сельскай гаспадаркі і харчавання Генадзь Аксаміт. 

На свята запрошана каля трыццаці ветэранаў працы, якія шмат гадоў аддалі сельскай гаспадарцы. Яны атрымаюць узнагароды ад Гродзенскага аграпрамысловага саюза. 


ВАРТА ПАЧЫТАЦЬ: 

Дартс, городки, перетягивание каната. На областных "Дажынках-2017" пройдет спартакиада среди жителей агрогородков 

На дорогах к Свислочи появились огромные фигуры из соломы 

Свислочь приглашает на областной фестиваль-ярмарку тружеников села «Дажынкі-2017» (Программа) 

 


Таццяна ВАСІЛЁЎКІНА

http://grodnonews.by