Россып творчасці абяцае Тыдзень культуры “Суквецце талентаў воранаўскага краю”.

В посёлке 13 августа 18 1922
Россып творчасці абяцае Тыдзень культуры “Суквецце талентаў воранаўскага краю”.
1C9A1273

— Культура — духоўны хлеб. Менавіта яна фарміруе і беражэ нацыю, робіць з чалавека грамадзяніна, а з людзей — народ. Таму захаванне нашай самабытнай і непаўторнай беларускай культуры — залог пазітыўнага развіцця краіны, заклад шчаслівага існавання будучых пакаленняў, — такімі словамі адкрыў Тыдзень намеснік старшыні райвыканкама Андрэй Карповіч і пажадаў варанаўчанам і іх гасцям, каб ён падараваў мноства яскравых уражанняў і, магчыма, адкрыў новыя імёны таленавітых землякоў.

1C9A1290

1C9A1282

У тым, што Воранаўшчына славіцца багатымі традыцыямі, вялікім назапашаным фальклорам, адоранымі мастакамі, паэтамі, майстрамі, не сумняваліся і старшыня райсавета дэпутатаў Алена Ганевіч, загадчык сектара культуры Таццяна Цехановіч і начальнік аддзела адукацыі Валянціна Люленка. А шэраг мерапрыемстваў, якія пройдуць сёлета, у чарговы раз гэта пацвердзяць.

1C9A1278

Наш край не можа не ўлюбіць у сябе творчую лірычную натуру. Назаўжды да яго прырос сэрцам паэт Валянцін Емяльянаў. Ён нават напісаў гімн Воранава. А яго верш “Святое багацце”, які пранікнёна прачытала Наталля Ваганава, не пакінуў слухачоў раўнадушным.

1C9A1316 1C9A1326

Цёплыя стасункі з Воранаўшчынай склаліся і ў намесніка старшыні Гродзенскага аддзялення Саюза пісьменнікаў Беларусі Дзмітрыя Радзівончыка. Па яго словах, прыемна прыязджаць сюды, бо менавіта тут адчуваецца  сапраўдная зацікаўленасць да паэтычнага радка. Дзмітрый Мікалаевіч пазнаёміў прысутных са сваёй творчасцю. Яго глыбокія вершы застаўлялі задумацца, настройвалі на сур’ёзны лад. Кожны верш, прапускаючы праз душу, слухачы віталі шчырымі апладысментамі. На памяць аб сустрэчы творца падараваў свае зборнікі Воранаўскай раённай бібліятэцы, а таксама Алене Ганевіч за клопаты аб развіцці літаратуры.

DSCN9948 DSCN9943

Аматары мастацкага слова не спяшаліся развітвацца. Яны пазнаёміліся з выставай літаратуры. А таксама высока ацанілі майстэрства бібліятэкараў раёна. Створаныя іх умелымі рукамі лялькі — героі казак — сапраўдныя шэдэўры. 

DSCN9957 DSCN9960