Як у Воранаве святкуюць Купалле (Фота, Відэа)

В посёлке 07 июля 18 2782
1C9A8122

Любімае ў народзе свята распачолася на беразе воранаўскага возера а дзевятай гадзіне вечара папулярнымі мелодыямі і віншаваннямі герояў казак ды паданняў Купалы (Алякчей Бурч) і Купалінкі (Анастасія Войшніс). Да іх шчырых пажаданняў далучыліся і артысты народнага ансамбля “Лідчанка” пад кіраўніцтвам Вольгі Цішко. Калектыў існуе ўжо не адзін дзесятак год, змянілася не адно пакаленне яго ўдзельнікаў, але і сёння “Лідчанка” карыстаецца вялікай папулярнасцю і запатрабавана ў гледачоў. Вось і воранаўцаў лідчане пакарылі сваім вялікім сцэнічным маўстэрствам, тонкім адчуваннем прыгажосці народных песен, танцаў, жартаў. Хочацца разам з імі пажадаць усім сабраўшымся на Купалле, каб усім было “лёгка насэрцы, цяжка ў кашальку”. Па праўдзе кажучы, кашалькі ўсё ж палягчэлі. Бо патраціць грошы было на што: тут табе, пачынаючы ад шашлыкоў, розныя прысмакі ды напоі, а таксама вялікі выбар цацак для дзетвары.

[embed]
[/embed]

1C9A8100 1C9A8142 1C9A8155 1C9A8156

Не паспелі адгучаць апладысменты лідскім артыстам, як на сцэне з’явіліся марскі ўладар Няптун (Яраслаў Івашкевіч) і Царыца марская (Наталля Камінская) і прапанавалі гледачам цікавую гульнёвую праграму. Не памяшала весяліцца народу нават Ведзьма (Жанна Тамукевіч) са сваёй світай розных нячысцікаў.

А кульмінацыяй тэатралізаванага прадстаўлення, падрыхтаванага рэжысёрам Кацярынай Масель, былі пушчаныя дзўчатамі на ваду вянкі і купальскае вогнішча, як сімвал надзей і мараў на лепшую будучыню.

Неўзабаве вечар саступіў свае правы кароткай купальскай цёплай ночы і святочнай дыскатэцы.  

1C9A8126 1C9A8147 1C9A8148 1C9A8152 1C9A8159 1C9A8160 1C9A8163 1C9A8167 1C9A8169 1C9A8175 1C9A8193 1C9A8197 1C9A8201 1C9A8207 1C9A8221 1C9A8223 1C9A8224 1C9A8228 1C9A8232 1C9A8237 1C9A8240 1C9A8244 1C9A8250 1C9A8256 1C9A8261 1C9A8274 1C9A8278

Вікенцій ЯКОВІЧ.

Фота Алега БЕЛЬСКАГА.    
Добавление комментария
CAPTCHA
*