Бульбяны бум, апетытныя цуды і музычны “Талісман”. Чым яшчэ здзіўляла гасцёўня Бульбаша ў Гірках?

Традыцыйнае брэндавае свята зладзілі ў нядзелю работнікі культуры Воранаўшчыны. У аграгарадку Гіркі мясцовыя жыхары і госці прынялі ўдзел у вясёлай эстафеце “Бульбяны бум”, даведаліся ад спецыялістаў пра асаблівасці вырошчвання другога хлеба, пасмакавалі нацыянальныя стравы бульбашоў і шчыра патанчылі. 

Ля мясцовага цэнтра культуры на ўвесь дзень разгарнуліся святочныя пляцоўкі: канцэртная, гандлёвая, гульнёвая і выставачная. Весялілі землякоў Карына Палубенка, Аліна Вільчэўская, Яніна Кукліс, Алена Кучынская і іншыя артысты Воранаўшчыны. Па-суседску на свята завітаў і эстрадна-музычны калектыў “Талісман” з Ліды.

Работнікі культуры дзякуюць за падтрымку кіраўніцтва КСУП “Гіркі”.

Фото Ирины Каминской.