Другі дзень Тыдня культуры “Суквецце талентаў воранаўскага краю”

В посёлке 14 августа 18 3511
DSCN9975

Лірычная музыка пра Бацькаўшчыну, родную мову, малую радзіму лілася на плошчы райцэнтра з ранку. Яна нібы запрашала прахожых: не спяшайцеся, супыніцеся на хвілінку, паглядзіце на вынікі працы воранаўскіх майстрыц. А паглядзець было на што.

DSCN9978

Умеліцы з аддзела рамёстваў і традыцыйнай культуры пастараліся — на суд землякоў і гасцей Воранаўшчыны выставілі свае лепшыя работы. Лялькі-беларусачкі, абярэжныя лялькі, прыгожыя шкатулкі, карціны з саломкі… Усяго і не пералічыш. А непадалёку, не зважаючы на мітусню дня, майстар народных промыслаў Галіна Мялько займалася сваёй справай — вышыўкай. Іголка “слухала” гаспадыню і старанна “выводзіла” ўзор за ўзорам. Жадаючыя маглі атрымаць ад жанчыны майстар-клас.

DSCN9964 DSCN9971

— Я не толькі вышываю ніткамі, але і бісерам, — расказала Галіна Віктараўна. — Няблага атрымліваюцца дэкаратыўныя сувеніры, шкатулкі. А яшчэ люблю маляваць, асабліва — прыроду.

Прахожыя маглі палюбавацца і на карціны, вышытыя пенсіянеркай Саламеяй Іосіфаўнай Антоненка з Воранава. Абразы, кветкі, птушачкі, закаханыя — не аднаго года работа. Вышываць жанчына пачала яшчэ ў дзявоцтве. І да гэтага часу не закінула творчую справу. А наколькі таленавіта зроблена, лічыць, няхай ацэняць землякі.

DSCN9972 DSCN9980 DSCN9981 DSCN9982

Марына КАНДРАТОВІЧ.

Фота аўтара.
Комментарии
Вороновчанин
А этож знак Пра гэта мерапрыемства заранее? Зноу для галочки правяли
Вороновец
Тыдзень культуры для работникау культуры. Няблага)))) вельми цикава)))))
Добавление комментария
CAPTCHA
*