Ушаноўваем памяць продкаў. Святочны ранак у Дзень Незалежнасці на Воранаўшчыне пачаўся з ускладвання кветак да помніка воінам і партызанам у райцэнтры (+ВІДЭА)

Адзінай дружнай сям’ёй варанаўчане сабраліся ў сэрцы Воранава, дзе беражліва захоўваецца памяць аб вызваліцелях нашай малой радзімы. У Хвіліне маўчання схілі галовы прадстаўнікі ўлады, працоўных калектываў, грамадскіх аб’яднанняў, моладзь, старэйшае пакаленне. Іх аб’яднала памяць аб гераічным мінулым Беларусі і бясконцая ўдзячнасць воінам-вызваліцелям за сённяшняе шчаслівае жыццё пад незалежным небам Сінявокай.

Да падножжа помніка ляглі кветкі. Сёння мы, нашчадкі салдат Перамогі, вольны беларускі народ, такім чынам выказваем сваю падзяку дзядам і прадзедам, чый несмяротны подзвіг будзе жыць у вяках. Дзякуй ім за шчаслівую долю, за мірнае неба, за магчымасць разам хораша святкаваць Дзень Рэспублікі!

#деньнезависимости #вороново #беларусь