Абласная акцыя “Чытаем разам” пачалася з чытання твораў Кандрата Крапівы
![0b5d918365974afc0430b3168c125523](/wp-content/uploads/2016/04/0b5d918365974afc0430b3168c125523.jpg)
Яе арганізатарамі сталі галоўнае ўпраўленне ідэалагічнай работы, культуры і па справах моладзі аблвыканкама, абласная навуковая бібліятэка імя Я. Ф. Карскага і бібліятэка ГрДУ імя Я. Купалы.
У сакавіку споўнілася 120 год з дня нараджэнны знакамітага байкапісца. З гэтай нагоды 13 красавіка ў дзіцячым філіяле і галоўным корпусе абласной бібліятэкі імя Карскага ў Гродна ўзгадвалі яго імя чытаннямі твораў услых і шчырымі словамі.
Байкі Крапівы ў межах акцыі прачыталі галоўны пракурор вобласці Віктар Марозаў, в.а. начальніка галоўнага ўпраўлення ідэалагічнай работы, культуры і па справах моладзі аблвыканкама Аляксандр Вярсоцкі, рэдактар газеты “Гродзенская праўда” Павел Сухарукаў і начальнік упраўлення галоўнага ўпраўлення ідэалагічнай работы, культуры і па справах моладзі аблвыканкама Алена Клімовіч. Творчую эстафету з радасцю перанялі школьнікі і студэнты.
![de6923a65f6f2f4f1381f351cdec3ec7](/wp-content/uploads/2016/04/de6923a65f6f2f4f1381f351cdec3ec7.jpg)
– Кожная краіна мае асоб, якімі ганарыцца, – падкрэсліў Аляксандр Вярсоцкі. – Постаць Кандрата Крапівы – яскравы таму прыклад. Сілай слова ён вучыў любіць і шанаваць родную мову, і творчая спадчына пісьменніка сёння – сапраўдны падарунак кожнаму з нас.
![103ff65b04047053d1c01e5a81f4e87c](/wp-content/uploads/2016/04/103ff65b04047053d1c01e5a81f4e87c.jpg)
– Творы Кандрата Кандратавіча добра знаёмы кожнаму яшчэ са школы, – адзначыўгалоўны рэдактар газеты “Гродзенская праўда” Павел Сухарукаў. – Сатыра і гумар вядомага далёка за межамі прастораў Беларусі пісьменніка не згубіла сваёй актуальнасці праз стагоддзе.
![78de915bb60d6525b882c7c9b2ba3fe4](/wp-content/uploads/2016/04/78de915bb60d6525b882c7c9b2ba3fe4.jpg)
– Навукоўцамі падлічана, што чалавек за сваё жыццё можа прачытаць не больш за 4000 кніг, – звярнула ўвагу ў сваю чаргу дырэктар абласной бібліятэкі імя Я.Ф.Карскага Лідзія Мальцава. – Пачэснае месца сярод іх займаюць творы беларускіх пісьменнікаў. Некакторыя працы Крапівы сёння перакладзены больш чым на 20 моў, Коласа і Багдановіча – на 40, а Быкава ўвогуле больш чым на 50 моў. Беларускіх класікаў шануюць ва ўсім свеце, і мы павінны ганарыцца гэтым.
Мерапрыемства, прысвечанае творчасці Кандрата Крапівы, стала пачаткам акцыі “Чытаем разам”. Штомесяц на працягу года ў яе межах жыхарам Гродзеншчыны будут нагадваць пра спадчыну беларускай літаратуры. Так, у маі прачытаць разам прапануюць творы ваеннай тэматыкі, а ў чэрвені ў “Швейцарскай даліне” абласнога цэнтра пройдуць чытанні, прысвечаныя творчасці Элаізы Ажэшкі.
![536c56c25c5adcd0251d1205aee4dcb4](/wp-content/uploads/2016/04/536c56c25c5adcd0251d1205aee4dcb4.jpg)
![e4cf82f46791d1207fce8274d8ba7bc7](/wp-content/uploads/2016/04/e4cf82f46791d1207fce8274d8ba7bc7.jpg)
![bf4013cdedc5c7b85742a6fe280adbfd](/wp-content/uploads/2016/04/bf4013cdedc5c7b85742a6fe280adbfd.jpg)
![86f26fe94913b1fcb964eb8a4e375512](/wp-content/uploads/2016/04/86f26fe94913b1fcb964eb8a4e375512.jpg)
![c1c6e4ee5a9b618eb7ddea582267e9f9](/wp-content/uploads/2016/04/c1c6e4ee5a9b618eb7ddea582267e9f9.jpg)
![b749df9a2642169744a2c26fc5b7481c](/wp-content/uploads/2016/04/b749df9a2642169744a2c26fc5b7481c.jpg)
Фото Віталя ДЗЯРНЭЙКА
Кацярына МАЦЕВІЧ
http://grodnonews.by/