«Жывая класіка» гучала на Воранаўшчыне
Сёння, 11 мая, у Воранаўскім цэнтры творчасці дзяцей і моладзі было сапраўднае свята паэзіі. Дэвізам конкурсу “Жывая класіка”, сярод арганізатараў якога — Саюз пісьменікаў Беларусі, сталі словы: “Чытаем шмат, чытаем разам, ствараем сябе i краiну!”. У складзе журы быў і наш зямляк, член Саюза пісьменнікаў Беларусі Уладзімір Руль. Юныя дэкламатары, справіўшыся з хваляваннем, пранікнёна чыталі творы Сяргея Грахоўскага, Ніла Гілевіча, Уладзіміра Караткевіча, Якуба Коласа, Язэпа Лёсіка, Эдзі Агняцвет і іншых пра родную мову, падзеі Вялікай Айчыннай вайны, матулю, чарнобыльскую трагедыю, а таксама філасофскага зместу.
Першае месца ў сваёй узроставай групе занялі Мікалай Сянюта з Пагародзенскай школы, Ар’яна Турэвіч з Радунскай, Наталля Ваганава з Воранаўскай і Мілана Дудко з Нацкага НПК. Яны прадставяць Воранаўшчыну на абласным этапе конкурсу “Жывая класіка”.
Фота Марыны КАНДРАТОВІЧ.
