Львяня Лявон пагуляе з дзецьмі і запросіць на падворкі на Дзень беларускага пісьменства
![ÐÑвÑÐ½Ñ ÐÑвон пагÑлÑе з дзеÑÑÐ¼Ñ Ñ Ð·Ð°Ð¿ÑоÑÑÑÑ Ð½Ð° падвоÑÐºÑ Ð½Ð° ÐÐ·ÐµÐ½Ñ Ð±ÐµÐ»Ð°ÑÑÑкага пÑÑÑменÑÑва](https://grodnonews.by/upload/resize_cache/iblock/5f8/924_560_2/5f8cc2245ba27a684ed21002fef4fce5.png)
Унікальны сімвал сёлетняга нацыянальнага свята «Дзень беларускага пісьменства» ажыве для гасцей і стане адным з галоўных герояў святочных здымкаў.
Талісман свята будзе ў літаральным сэнсе слова падарожнічаць па святочных пляцоўках. Калі быць дакладней, гуляць па горадзе 1 верасня будуць тры роставыя лялькі героя-сімвала Дня беларускага пісьменства ў Слоніме. Яны будуць гуляцца з дзецьмі, запрашаць гасцей на падворкі і, безумоўна, дададуць яркіх фарбаў Дню пісьменства.
![e289ffca33bbf3189c1a9d32858e072f.jpg](https://grodnonews.by/upload/medialibrary/ff2/ff2ae930a0f83155c18d7d6f075a5df0.jpg)
Аднак акрамя сваёй забаўляльнай функцыі, Лявон стане свайго роду праекцыяй мінулага. Кожны раз пазіруючы для новага фота, ён будзе нагадваць гасцям пра сваю сувязь з гербам горада над Шчарай. З выявай льва, які трымае стралу, апошні быў зацверджаны яшчэ ў 1591 годзе. А, з'яўляючыся фрагментам герба “Ліс” роду Сапегаў, паказвае менавіта на тое, што горад належаў Льву Сапеге.
Леў – сімвал будучага свята – трымае не стралу, а пяро і тым самым нібы ўвасабляе ўсю сутнасць маштабнай падзеі, якая сёлета атрымала прапіску ў Слоніме. Яго выявамі, дарэчы, 1 верасня будзе мільгаць і шматлікая прадукцыя – сувенірная і не толькі.
https://grodnonews.by/