Юбiлей у светара
На гэтым тыдні свой паўвекавы юбілей святкаваў пробашч касцёла Святых апосталаў Сімяона і Юды Фадзея г.п. Воранава ксёндз А. Вітэк. Нарадзіўся, жыў і вучыўся ксёндз Анджэй у Польшчы, там скончыў духоўную семінарыю і меў намер паехаць служыць Богу ў Карэю. Але быў запрошаны ў Беларусь, менавіта на Воранаўшчыну, каб дапамагчы падрыхтаваць дзяцей да першай камуніі. Спадабалася светару наша сінявокая і яе добразычлівыя людзі, вырашыў застацца тут. І вось ужо 25 год служыць Богу і людзям на воранаўскай зямлі.
Нялёгка было маладому светару ў пачатку службы, якая выпала на цяжкія 90-ыя гады, калі даводзілася ўсе сілы і намаганні аддаваць, каб адрадзіць у людзях веру ў Бога. Ксёндз Анджэй напачатку служыў у Беняконскім касцёле, затым у Тракелях. Менавіта ён адрадзіў фэст у гонар іконы Маці Божай Тракельскай. Многа было зроблена і ў часы службы ў Германішках і Воранава. За гады сваёй працы Анджэй Вітэк здолеў аб’яднаць пры касцёле дзяцей і моладзь. Кожныя выхадныя для іх праводзяцца разнастайныя конкурсы, гульні, прагляды кіна- і відэафільмаў і г.д. Ксёндз Анджэй наладжвае так званыя абозы, дзе дзеці і моладзь не толькі адпачываюць, але і даведваюцца шмат новага і цікавага з Бібліі, моляцца, удзельнічаюць у імшах. За футбольнымі баталіямі на германішскім стадыёне сочаць многія, у іх удзельнічаюць ад малога да вялікага на чале з ксяндзом Анджэем. Не меншай папулярнасцю карыстаюцца і веласіпедныя вандроўкі.
Праводзіцца светаром і яго памочнікамі велізарная праца з дарослымі прыхаджанамі. Арганізаваны ружанцовыя гурткі, сталі добрай традыцыяй сустрэчы педагогаў са светарамі, на якіх абмяркоўваюцца надзённыя пытанні ў выхаванні падрастаючага пакалення. Працуе пры воранаўскай святыні і сямейная кансультацыя, у якой спецыялісты-псіхолагі дапамагаюць трапіўшым у нестандартныя жыццёвыя сітуацыі.
Каб пералічыць усе добрыя справы, якія робіць для людзей ксёндз Анджэй Вітэк, не хопіць і цэлай газетнай старонкі. Яны не застаюцца не заўважанымі з боку мясцовай улады, якая высока адзначае іх. Менавіта таму ў дзень нараджэння святар прымаў віншаванні не только ад ксяндзоў Радунскага дэканату, прыхаджан, але і ад кіраўніц-тва раёна — Падзяка старшыні Воранаўскага райвыканкама выказана кс. А. Вітэку. Яго шчыра павіншавалі старшыня Воранаўскага раённага Савета дэпутатаў Віктар Роік і начальнік аддзела ідэалагічнай работы, культуры і па справах моладзі Алена Ястрэмская. Яны падзякавалі светару за 25-гадовую плённую працу на карысць людзям нашага раёна.
Наталля ІВУЦЬ.
Фота аўтара.
Ды i супрацоунiкi рэдакцыi павiнны кiравацца скарэй правiлами беларускага правапiсу, чым паважанага сайта каталiк бай.
Паважаны ксёндз-пробашч! Вiншуем з юбiлеем, жадаем 100 лят и Божага благаслаулення на кожны дзень працы на Воранаучшыне!
Дзякуючы Вашай парадзе звярнуўся да арфаграфічнага слоўніка "Слоўнік беларускай мовы. Мінск: Беларуская навука, 2012", каторы складзены з улікам змен у адпаведнасці з Законам Рэспублікі Беларусь "Аб правілах беларускай арфаграфіі і пунктуацыі". Святар - слова пад нумарам 2047. Вось што напісана ў слоўніку: "святар -ра, -ру, -роў". Таму зноў прашу рэдакцыю выправіць правапіс. Правілы белорускага правапісу для ўсіх аднолькавыя, і дадзены мною афіцыйны сайт Каталіцкага касцёла ў Беларусі ў беларускай мове не памыляецца. Тым больш у літургічнай.
Не ведаю, якое дачыненне мае азначанае Вамі правіла да слова "святар", але прашу Вас звярнуць увагу на правапіс гэтага слова на афіцыйным сайце Каталіцкага касцёла ў Беларусі. Напрыклад, на старонцы http://catholic.by/2/libr/interview/123808-futbol.html
Святар заўсёды застаецца святаром (у святара, для святара, перад святаром), заўсёды пішацца з літарай "я".