Як на Воранаўшчыне зберагаюць спадчыну (Фота, Дапоўнена.)
![IMG_6856](/wp-content/uploads/2017/09/IMG_6856.jpg)
У Жырмунскім цэнтры культуры і вольнага часу адкрылася этнаграфічная экспазіцыя, стылізаваная пад сялянскую хатку.
Тут “прапісалася” больш за дзвесце экспанатаў. З іх дапамогай у невялікім пакоі Цэнтра створаны хатні інтрэр’ер, характэрны для беларускай вёскі. Пабеленыя сцены, бэлькі на столі, печ, ложак, калыска-качалка, куфар, калаўрот, кросны — усе асноўныя атрыбуты на месцы. Сціплы інтэр’ер упрыгожваюць выцінанкі на шыбах, абразы на покуці, вышытыя абрусы і ручнікі, тканыя ходнікі на падлозе. Рэчы работнікі Цэнтра, школьнікі збіралі з навакольных вёсак не адзін год. Многіх гаспадароў, якія іх аддавалі, ужо няма на гэтым свеце. А жорны ўвекавечылі вёску Стукі, з якой прывезены. Там ужо гадоў 10 ніхто не жыве, і ўвогуле яна з цягам часу можа знікнуць як тэрытарыяльная адзінка. Дарагія сэрцу матуліны рэчы — куфар і некалькі дываноў — перадаў для экспазіцыі старшыня сельвыканкама Мечыслаў Швед, абразы ахвяраваў ксёндз Юрый Барташэвіч. Агульнымі намаганнямі жыхары жырмунскага краю стварылі ў аграгарадку куток народнай культуры. Прылады, якімі карысталіся калісьці землякі, будуць захоўвацца тут, як найдаражэйшая спадчына. І расказваць наступным пакаленням аб мясцовых густах, асаблівасцях побыту.
Ва ўрачыстым адкрыцці экспазіцыі “Сцежкамі продкаў” прынялі ўдзел прадстаўнікі Гродзенскага абласнога і Воранаўскага раённага выканаўчых камітэтаў, спецыялісты абласнога метадычнага цэнтра. У холе Цэнтра культуры гасцей сустракалі народнымі напевамі ўдзельніцы фальклорнага гурту “Рэчанька”. Былі арганізаваны майстар-класы рамёстваў, якія “жывуць” на Воранаўшчыне. З Пагародна прыехала Станіслава Міхно з кроснамі і памочніцамі. Майстар з Паляцкішак Яўген Мацяшук хутка завалодаў увагай дзяцей — даспадобы ім прыйшліся самаробныя гліняныя птушкі-свісцёлкі. Была прадстаўлена выстава вырабаў раённага аддзела рамёстваў і традыцыйнай культуры, а метадыст жырмунскага філіяла Таццяна Ворсік прадэманстравала, як працуюць з глінай дзеці на занятках гуртка.
Вольга ВАРАБ’ЁВА.
Фота аўтара.
Вольга ВАРАБ’ЁВА.
![IMG_6809](/wp-content/uploads/2017/09/IMG_6809.jpg)
![IMG_6811](/wp-content/uploads/2017/09/IMG_6811.jpg)
![IMG_6817](/wp-content/uploads/2017/09/IMG_6817.jpg)
![IMG_6819](/wp-content/uploads/2017/09/IMG_6819.jpg)
![IMG_6823](/wp-content/uploads/2017/09/IMG_6823.jpg)
![IMG_6830](/wp-content/uploads/2017/09/IMG_6830.jpg)
![IMG_6835](/wp-content/uploads/2017/09/IMG_6835.jpg)
![IMG_6836](/wp-content/uploads/2017/09/IMG_6836.jpg)
![IMG_6837](/wp-content/uploads/2017/09/IMG_6837.jpg)
![IMG_6842](/wp-content/uploads/2017/09/IMG_6842.jpg)
![IMG_6845](/wp-content/uploads/2017/09/IMG_6845.jpg)
![IMG_6846](/wp-content/uploads/2017/09/IMG_6846.jpg)
![IMG_6847](/wp-content/uploads/2017/09/IMG_6847.jpg)
![IMG_6848](/wp-content/uploads/2017/09/IMG_6848.jpg)
![IMG_6850](/wp-content/uploads/2017/09/IMG_6850.jpg)
![IMG_6859](/wp-content/uploads/2017/09/IMG_6859.jpg)
![IMG_6873](/wp-content/uploads/2017/09/IMG_6873.jpg)
![IMG_6880](/wp-content/uploads/2017/09/IMG_6880.jpg)
![IMG_6886](/wp-content/uploads/2017/09/IMG_6886.jpg)
![IMG_6890](/wp-content/uploads/2017/09/IMG_6890.jpg)
![IMG_6894](/wp-content/uploads/2017/09/IMG_6894.jpg)
![IMG_6898](/wp-content/uploads/2017/09/IMG_6898.jpg)
![IMG_6902](/wp-content/uploads/2017/09/IMG_6902.jpg)
![IMG_6903](/wp-content/uploads/2017/09/IMG_6903.jpg)
Стоит почитать: