Віншаванне настаяцеля прыхода Наведвання Маці Божай Тракельскай Вадзіма Сурвілы са светлым святам Вялікадня

Паважаныя вернікі-хрысціяне Воранаўскага раёна!

Прыміце шчырыя віншаванні са светлым святам Вялікадня!

Вялікдзень — гэта час адражэння і новага пачатку. Гэта час аб’яднання ўсіх веруючых, якія ад душы дзеляцца дабром і любоўю.

У свята Уваскрасення Хрыста жадаю вам, каб вера ў Ісуса, які ёсць з намі і жыве ў нас, стала крыніцай глыбокай унутранай радасці, моцы духа, мужнасці і вытрымкі ў дабры. Няхай Божая любоў, аб’яўленая ў таямніцы Мукі, Смерці і Уваскрасення Хрыста, асвячае нас кожны дзень і робіць здольнымі праслаўляць Бога кожным учынкам.

Перажываючы разам з вамі радасць велікодных свят, ахінаю вас сваімі малітвамі. Жадаю Божай апекі і выпрошваю для кожнага неабходныя ласкі. Ад усяго сэрца бласлаўляю на радаснае святкавання Уваскрасення Пана.

Ксёндз Вадзім Сурвіла,

настаяцель прыхода Наведвання Маці Божай Тракельскай.