Парад прафесій. Воранаўскі каледж запрашае…
Кузня сельскагаспадарчых кадраў Воранаўшчыны разгарнула свой падворак на “Дажынках”. Падыходзьце, знаёмцеся, паступайце!
Навучэнцы Алег Сідлярэвіч, Арсеній Струк і Аліна Пятроўская прэзентуюць жадаючым свае прафесіі — электраманцёра, слесара па рамонту сельгасмашын і абслугоўвання і прадаўца. Дзятва цікуе, інструменты разглядае і, як кажуць, на вус намотвае.
Здымак на памяць зрабіць запрашаюць дзяўчаты-прадаўцы. Фотазона з вагай ды лічыльнікамі вяртае ўсіх у 1990-я гады. А як сёння выкладчыкі навучаюць гэтай і іншым прафесіям у каледжы, дэманструе відэаролік.
