Мы – нашчадкі вялікай дзяржавы

С праздником 03 июля 17 2377
1C9A7954

Урачыстыя мерапрыемствы з нагоды галоўнага свята краіны – Дня Незалежнасці –прадоўжыў мітынг ля помніка загінуўшым воінам і партызанам у цэнтры Воранава. Ён сабраў кіраўніцтва раёна, працоўныя калектывы, ветэранаў, дзяцей і моладзь. Пад гукі гімна ўзняўся над скверам дзяржаўны сцяг, падняты заслужаным работнікам культуры Рэспублікі Беларусь Вячаславам Мацкевічам і старшынёй маладзёжнага савета Воранаўскага раённага аб’яднання прафсаюзаў Эдуардам Бутрымам.

Са святочнай прамовай і віншаваннямі звярнуўся да землякоў старшыня Воранаўскага райвыканкама М.А. Розум:

–У мірны час вырасла ўжо не адно пакаленне беларусаў. Мы пабудавалі суверэнную дзяржаву і нясем адказнасць за яе будучыню. Нас аб’ядноўвае любоў да Радзімы, вернасць традыцыям і шчырае жаданне зрабіць сваю краіну яшчэ мацнейшай і прыгажэйшай. Гэта ў нашых сілах. Я з удзячнасцю звяртаюся да вас, працаўнікі Воранаўскага краю. Дзякуючы вам, наша Воранаўшчына ўпэўнена ідзе наперад разам з усім беларускім народам. Мы ганарымся і нашай моладдзю, якая паспяхова выступае на рэспубліканскіх і міжнародных алімпіядах, канкурыруе на прэстыжных навуковых конкурсах, спартыўных турнірах, – падкрэсліў ён.

З наказам і віншаваннямі эмацыйна, пранікнёна выступіла перад грамадскасцю Н.К. Пушнянкова, старшыня раённага Савета ветэранаў. Аб галоўных каштоўнасцях сучаснасці – міры, незалежнасці, пераемнасці пакаленняў, плённай працы суайчыннікаў – гаварыла

 дырэктар Доцішскай сярэдняй школы В.В. Люленка. Ад моладзі трымала слова сакратар пярвічнай арганізацыі ГА “БРСМ” Воранаўскага філіяла аблспажыўсаюза Ірына Вільбік.

Хвілінай маўчання ўшанавалі памяць тых, хто цаной жыцця заваёўваў для нас мір і незалежнасць. У іх жа гонар  прагучаў трохкратны і такі нязвыкла гучны залп, леглі кветкі і вянкі на мемарыял ад удзячных нашчдкаў.

Вольга ВАРАБ’ЁВА.

Фота Алега БЕЛЬСКАГА.

1C9A7949 1C9A7954 1C9A7955 1C9A7971 1C9A7990 1C9A7991 1C9A7995 1C9A8001 1C9A8006 1C9A8007 1C9A8008 1C9A8023 1C9A8026 1C9A8027 1C9A8032 1C9A8035 1C9A8038 1C9A8039 1C9A8043 1C9A8044 1C9A8045 1C9A8057 1C9A8069 1C9A8075 1C9A8080 1C9A8092 1C9A8094 1C9A8099 1C9A8101 1C9A8102 1C9A8103 1C9A8104 1C9A8105 1C9A8113 1C9A8118 1C9A8120 1C9A8121 1C9A8122 1C9A8123 1C9A8124 1C9A8125 1C9A8129
Добавление комментария
CAPTCHA
*