З неба сонейка скацілася — на талерцы прыпынілася

Общество 17 февраля 21 1138

изображение_viber_2021-02-15_08-50-39.jpg

У мінулую нядзелю смачна і весела адсвяткавалі жыхары Пераганцаў брэндавае “Свята бліноў”.

Дзейства адбылося напярэдадні Вялікага посту. Напэўна, таму жадаючых адпачыць, патанцаваць, а мо, і песню заспяваць было нямала. Іх сардэчна віталі галоўны спецыяліст сектара культуры райвыканкама Алена Барбаровіч і ксёндз Дзяніс Крываносаў. Яны пажадалі ўсім жыхарам Пераганцаў дабрабыту, любові і ўзаемапавагі ў сем’ях, каб аграгарадок маладзеў і прыгажэў дзень ада дня.

изображение_viber_2021-02-15_08-52-05.jpg

изображение_viber_2021-02-15_08-52-51.jpg

изображение_viber_2021-02-15_08-53-11.jpg

Нашы продкі казалі: “На запусты не хоча панства капусты”. І сапраўды, смачней частавацца гарачымі духмянымі блінамі з мясам, варэннем, са згушчонкай… Прыгатаваных з душою і па рэцэптах, якія вядомы толькі ў аграгарадках Жырмуны, Больцінікі, Паляцкішкі, Беняконі, Канвелішкі і Тракелі. Падсілкаваўшыся, мясцовыя жанчыны вырашылі паказаць, што і яны кулінары хоць куды! З запалам уключыліся ў гульні, дзе падзяліліся сваімі сакрэтамі замешвання цеста на бліны. Напрыканцы мерапрыемства некаторыя на памяць набылі сувеніры, вырабленыя ўмеліцамі аддзела рамёстваў і традыцыйнай культуры.

изображение_viber_2021-02-15_08-55-12.jpg

изображение_viber_2021-02-15_08-55-31.jpg

изображение_viber_2021-02-15_08-55-43.jpg

изображение_viber_2021-02-15_08-56-22.jpg

— Вельмі цудоўна, што выдалася магчымасць адпачыць, на нейкі момант забыцца пра штодзённыя клопаты, — падзялілася жыхарка Пераганцаў Лілія Андрыш. — Я жыву на вуліцы Спартыўнай, усе яе жыхары вельмі дружныя. На свята прыйшлі разам з суседзямі. Уразіла, што было шмат дзяцей. З задавальненнем усе спрабавалі бліны. Раніцай унучцы прыгатавала іх з тварагом. А на свяце ад рознага ў іх начыння вочы разбягаліся.

изображение_viber_2021-02-15_08-56-49.jpg

изображение_viber_2021-02-15_08-57-23.jpg

Скажу шчыра, усё было цікава. Нямала падарункаў за ўдзел у гульнях атрымалі мае землякі. Гэта кіраўніцтва мясцовай гаспадаркі “ГМК-Агра” пастаралася. А якая музыка гучала! Асабліва кранулі за душу лірычныя песні ў выкананні паляцкішскіх і жырмунскіх спевакоў.

изображение_viber_2021-02-15_08-53-30.jpg

изображение_viber_2021-02-15_08-54-44.jpg

изображение_viber_2021-02-15_08-51-32.jpg

Марына КАНДРАТОВІЧ.

Фота з архіва Воранаўскага РЦКіНТ.

Добавление комментария
CAPTCHA
*