Вясну-красну клікалі

С праздником 22 марта 11 1786
Каляндарная вясна ўжо амаль месяц таму наступіла, але патрэбнай моцы так і не набрала. То маразы і пранізлівы ветрык яе палохаюць, то мокры сняжок зверху лье-засыпае.  Вось такім няўтульным выдаўся і пачатак дня 19 сакавіка ў нашым райцэнтры, што, напэўна, і перашкодзіла многім воранаўцам прыйсці на свята “Гуканне вясны”. Здароўя, дабрабыту, плённых веснавых работ і багатага ўраджаю ўсім жыхарам нашага краю пажадаў на пачатку свята намеснік старшыні раённага выканачаўга камітэта Мечыслаў Уляшка. А супрацоўнікі раённых метадычнага цэнтра народнай творчасці і Дома культуры, юныя і дарослыя аматары мастацкай самадзейнасці таленавіта паказалі ўсю прыгажосць старажытнага народнага абраду:
— Благаславіце, людзі добрыя,
Ай вясну-красну загукаць,
Загукаці жа.
Лютую зіму замыкаць,
Замыкаці жа...
Дай, божа, на жытачка род,
На статачак плод,
Людзям на здароўе.
Прыгожым і вясёлым, з песнямі і карагодамі, мудрымі і руплівымі Гаспадаром і Гаспадыняй, выгнаннем апошняга Снегавіка, прылётам жаўрукоў і сустрэчай Вясны, атрымалася тэатралізаванае прадстаўленне. Дастойным яго працягам былі і выступленні ансамбляў “Вясёлка” і “Канвелішскія штукары”, салістаў Аксаны Дзюк, Наталлі Адамовіч, Яўгена Вайцяховіча, Івана Бенкевіча, Яніны Сцефановіч і Вольгі Толкач. Выстава вырабаў раённага Дома рамёстваў, бяспройгрышная латарэя, гандлёвыя кіёскі таксама парадавалі ўсіх гасцей свята.
Вікенцій ПАДГАЙСКІ.
На здымках: так вясну клікалі...





Комментарии
Вікенцій
и радио, местное, надо слушать. вот так!
Гость
То Фонарик:
Что касается информационных стендов то там возможно ничего и не  было, а вот в газете объявление было точно! Сам читал в №19 от 16 марта на первой полосе. Другое дело что на праздник пришло мало народа. Хотя все же больше, чем в Радуни. Там вроде как и было то всего человек 30 :)
Фонарик
впервые за более чем 20 лет я не знал заранее о мероприятии свята “Гуканне вясны”.
в газете информации не было, на информационных стендах информации не видел.
Добавление комментария
CAPTCHA
*